الشعب الزين أحمد فؤاد نجم

تكرم عين الشعب الزين في عمان وفي القطرين
شعب عنيد يقول ما يريد وشو ما يقول عَ الرأس والعين
ويا مروّح زَعِق بالجاي تكرم عينك يا أبضاي

تكرم عين شبيبة ملاح يفدوا الثورة بالأرواح
شالوا بجنح الليل سلاح وشاوا الرقبة عَ الكفين
ونحن زلامكم يا ثوار ولو بتريدوا نعدي بحار
ولا رجعية ولا استعمار بتفرق بين الأخين
ويا مروح زَعِق بالجاي تكرم عينك يا أبضاي
تكرم عين الشعب الزين…

تكرم عين الفدائية مصابيح الأمة العربية
عَ طريق الوحدة الحتمية من حد المغرب للشرقين
وشو شبك ياللي تريد لبنان غريب الأهل عن الأوطان
عَ طرابلس حَوّد من شان تشوف لبنان رايح عَ وين
ويا مروح زعق بالجاي تكرم عينك يا أبضاي
تكرم عين الشعب الزين…

يا فلسطين يا جرح الناس ويا مسبب أوجاع الرأس
وتضل تسَهّر حراس هموم القلب ودمع العين
ولا يملك غير جرح جديد ونز رصاص ودم شهيد
وسيف بثأر ونار وحديد تعيد الحق ترد الدين
والرايح يزعق بالجاي تكرم عينك يا ابضاي